زين: شمس انتى كويسة
شمس الصغيرة: فين جدو
زين: طلع فوق
شمس الصغيرة: تمام سمر
سمر بغل: عوزة ايه
شمس الصغيرة بغضب: اسمها نعم يا بت الدهشوري مفهوم
سمر بصوت عالي: هو ايه كل شوية بت الدهشوري. شمس الصغيرة بغضب مرعب: اسمعي يا روح امك لو صوتك ده علي تاني هخرسك للأبد ودلوقتي تروحي مع الخدم جهزي الاكل يالااااااااا. نظرت سمر لبدر الذي كان يجلس بجوار الجميع ولم يعقب على كلام شمس
شاورت شمس الصغيرة لسمر بالذهاب إلى المطبخ فتغاظت بشدة وذهبت
صعدت شمس إلى الأعلي.
في غرفة شمس. دخلت شمس إلى غرفتها وتوجهت الى الحمام ووقفت تحت الدش بملابسها وجعلت المياة تغمرها ونزلت دموعها في صمت. مر فترة وانهت شمس حمامها وخرجت وهي تلف جسدها بالمنشفة وجلست على السر,,ـــــير تغمض عيونها بتعب. بعد فترة توجهت إلى الدولاب واخذت عباية باللون الابيض ببعض النقوش السودة ورفعت شعرها إلى الأعلي. توجهت شمس الصغيرة الى غرفة جدها وابوها الثاني ودخلت وجدته يجلس على السر,,ـــــير وهو يبكي فاسرعت له ورتمت بين أحضانة وبكت معه.
بعد فترة بعدت شمس الصغيرة عن جدها وقبلتة على خده
شمس الصغيرة بابتسامة: قوم يا كبير وقف على رجلك علشان كلنا متشعلقين فيك
وهدان بابتسامة: الحمل كبير عليكي يا بت نجمة
شمس الصغيرة بابتسامة: عمرك شفت الشمس بتنحني او بتختفي
وهدان بابتسامة: طول عمر الشمس قوية
شمس الصغيرة بابتسامة: يبقي تثق في شمسك وتعرف ان شمسنا كلنا هترجع لينا علشان هي عارفة انها عمود البيت
وهدان: هترجع صح
شمس الصغيرة: هترجع قول يا رب.
وهدان: يا رب
شمس الصغيرة بابتسامة: يالا يا حبيبي قوم جهز نفسك علشان الكل مستني تحت يالا
وهدان: حاضر يا قلبي
قام وهدان وجهز ونزل مع شمس الصغيرة إلى الأسفل. في الأسفل. نزلت شمس الصغيرة وهي تمسك ايد جدها وتوجهت إلى السفرة وجدت الكل يجلس في انتظارهم. مر الوقت ودخل هاري واخذ شمس الصغيرة وخرج
شمس الصغيرة: في ايه
هاري: طقم الدكاترا اللي طلبتية موجود في المستشفى دلوقتي وفي انتظارك
شمس الصغيرة: تمام يالا بينا
غادرت شمس وتوجهت الى المستشفي.
تقابلت شمس الصغيرة مع الفريق الطبي
خضعت شمس الكبيرة للمعاينة والجميع خائف من موعد فوقانها
كانت سمر تزداد في غلها من شمس الصغيرة
مر يومين وأخيرا فاقت شمس الكبيرة وكان الجميع في الخارج يضعون أيديهم على قلوبهم من شده القلق.
أنهي الفريق الطبي الكشف على شمس الكبيرة وخرجو
شمس الصغيرة بجدية: حاله جدتي ايه
الدكتور بابتسامة: ولا حاجة
وهدان: يعني ايه
الدكتور بابتسامة: ولا اي حاجة
شمس الصغيرة بغضب مرعب: انطق في ايه
الدكتور بخوف منها: اقصد يعني المريضة ميت فل
زين باستغراب: يعني ايه بردو
الدكتور: اقصد يعني المريضة كويسة جدا وكل اللي فيها كسر في الدراع
شمس الصغيرة بابتسامة: يعني تيتة كويسة وهتخرج معانا.
الدكتور بابتسامة: ايوة هتخرج معاكم بس اهم حاجه الرعاية
وهدان بابتسامة: متقلقش هخدمها بعيوني
حاتم بتصفير: يا عاشق يا جدو
زين بغمزة: مالك يا عم وهدان هو الحب شعلل
وهدان بغضب: اخرس يا حيوان منك ليه
قصي بضحك: مالك بس يا جامد ونعمه انت عسل
وهدان: انا هدخل اطمن ليها
شمس الصغيرة بابتسامة: لااااا اصبر بس ظبط نفسك علشان الموزة متخفش منك يا عم العاشق.
نظر وهدان للكل بارف ودخل الغرفة واغلق الباب في وجههم بعصبية فضحك الكل
تنهدت شمس الصغيرة براحة وغمضت عيونها واخيرا فاقت عمود بيتهم
ولكن في لحظة واحدة كانت تفتح عيونها باتساع ولعنت غبائها وشاورت لهاري وتحدثت معه وغادر. في الداخل.
دخل وهدان الى نصفة الاخر و شريكة حياتة وامسك اديها وقبلها بلهفة ونزلت دموعه
شمس الكبيرة بابتسامة: وحشتيني يا حبيبي
وهدان بابتسامة و دموع: وانتي اكتر يا قلبي
شمس الكبيرة بابتسامة: بلاش دموع لأنها غالية اوي
وهدان بابتسامة: وعمر دموعي منزلت اللي علشانك يا قلبي
شمس الكبيرة بابتسامة: فين العيال هما معرفوش
وهدان بابتسامة: لولا شمس كان بعد الشر رحتي مني
شمس الكبيرة: اذاي بس وهي مكانتش في القصر يومها.
وهدان: تصدقي مجاش في بالي اسالها
و بابتسامة: سيبك من الهبلة ديه وخليكي معايا وحشتيني اوي يا بنت قلبي
شمس الكبيرة بكسوف: وانت كمان يا روحي
وهدان بابتسامة و حب: لسه لغاية دلوقتي بتتكسفي مني
شمس الصغيرة: مالك يا عم الشباب واخد الست على الحامي ارحم
وهدان بتلثم: ااااااااا
قصي بعشــ,,ـــــق: والنعمة عاشق يا جدو عقبال مالجبل ده يحس
شمس الصغيرة برفع حاجب: تقصد مين يا قصي
قصي بضحكة: حبيب قلبي.
شمس الصغيرة بابتسامة: وهودي حبيبي مش يالا بقي نمشي ونسبها
شمس الكبيرة بغيظ: حد يناولني فردة شبشب
شمس الصغيرة بدلع: هو انتي هتفضلي كاتمة على نفسه روحي بيت ابوكي بقي وتسيبي حبيبي ليا
شمس الكبيرة بغيظ: متقوليش حبيبي ده حبيبي انا وبس وده عشــ,,ـــــق عمري كله واللي هيفرق بينا المو.ت
حاتم بتصفير: يا جامد يا عسل
زين بتصفير: هو ده العشــ,,ـــــق يا رجالة
مراد بضحك: الحب ولع يا رجالة
وهدان بغضب: برا يا كلب منك ليه.
شمس الكبيرة بغيظ: ليها
شمس الصغيرة ببرود: انا قاعدة مع حبيبي وانتي مالك
شمس الكبيرة بغيظ: والله هق.تلك في يوم يخربيت برودك يا شيخة
شمس الصغيرة بجدية: تمام الكل برا عوزة شمسي لوحدها
وهدان: انا هفضل مش هخرج
الشباب: وحنا كمان
اغمضت شمس عيونها بشدة وفتحتهم وتنهدت
شمس الصغيرة بجدية: تمام تيتة ايه اللي حصل.
شمس الكبيرة: معرفش انا صحيت علشان أذان الفجر ذي كل يوم ونزلت اعمل اللبن ذي العادة وبعد منزلت كام سلمه حسيت بايد حد على ظهري وبتزقني وقعت علي السلم ومحستش باي حاجة
شمس الصغيرة بجدية: انتى متأكدة من كلامك
شمس الكبيرة: في ايه يا شمس هو انا هكدب عليكي
قصي: لا يا تيتة شمس اكيد مش تقصد
زين: في ايه يا شمس ومين هيعمل كده
شمس الصغيرة بهدوء: ولا حاجة حبيبي المهم تيتة كويسة هترجع انت و حاتم والبنات للقاهرة.
زين: وهسيب تيتة لوحدها بالشكل ده
وهدان: في ايه يا شمس شكلك بيقول في حاجة
دخل حامد بغضب وتوجه إلى شمس الصغيرة ومسك اديها بعنــ,,ـــــف فصرخت
وهدان: في ايه يا حامد سيب ايد البت
حامد بغضب: اسبها بعد مفضحتنا في البلد كلها
شمس الصغيرة بغضب: انت بتقول ايه فضيحة ايه
قصي بغضب: ايه الكلام الفارغ ده ديه شمس المنشاوي فوق لنفسك
حامد بغضب: كلام فارغ ما انت لازم تقول كده
زين: ممكن تهدي بس وسيب اديها
ترك حامد ايد شمس وجلس.
وهدان: في ايه حامد
حامد بغضب: البلد كلها ملهاش كلام غير على الهانم و البيه وعشــ,,ـــــقهم
شمس الصغيرة: بيه مين وعشــ,,ـــــق ايه انت بتقول ايه
حامد وهو يخرج الصور: صوركم منشورة في البلد وانتى في ح.ضنه
امسك الجميع الصور ووجدو شمس بين أحضان قصي فنظر الكل لبعضه ونظرو لشمس
شمس الصغيرة: الصور ديه كدب
قصي: ايوه كدب انا عمري مقربت من شمس بالشكل ده
حامد: امال دول ايه
شمس الصغيرة بهدوء: انت بتثق فيا
حامد: طبعا.
شمس الصغيرة بسخرية: لا مهو واضح الثقة
وبجدية: اليوم اللي ح.ضنت فيه قصي كان يوم دخول تيتة المستشفي
قصي بتأكيد: صح لما اتبرعت بالدم ورفضت تشرب أى عصير فانا ح.ضنتها وخلتها تشرب بالغصب
زين: يبقي مين اللي شافهم و صورهم
حامد: هنعمل ايه
وهدان: شمسي وقلبي و بتي وكل حياتي انتى بتحبي قصي
شمس الصغيرة: نعم
وهدان بابتسامة: مش عيب ولا حرام انك تحبيه وتعشــ,,ـــــقيه كمان هو نصك التاني وباقي حياتك هتكمليها معاه.
حامد بغيظ: لا هي مش بتحبه
شمس الصغيرة بابتسامة: فعلا انا بحبه عندك اعتراض يا حاج حامد
حامد بغيظ: بقي هتسيبي قلبي وتاخدي الواد ده
قصي: اهمد يا عم حامد ورحم وكفاية قر و نق الله يكرمك
وهدان بابتسامة: يبقي خلاص كتب كتاب شمس و قصي أول ما الحاجة تخرج
شمس الكبيرة بفرحة: انا كويسة وهخرج دلوقتي يالا
قصي بفرحة: والنعمة انت عسل يا جدو واخيرا هتجوزك يا وحش الكون
شمس الصغيرة: لا معلش الواد طلع اهبل.
قصي بابتسامة: اهبل اهبل خدي الاهبل تعيشي سعيدة
شمس الصغيرة بجدية: لحظة واحدة بس انا فعلا موافقة على قصي بس مش هنكتب الكتاب النهاردة
حاتم: ليه يا شمس ادام انتى موافقة هنستنا ايه
شمس الصغيرة بجدية: احنا كده بناكد الإشاعة احنا هناجل الخطوة ديه وهنشوف رأي اهل البلد ايه وانا واثقة فيهم
قصي: وانا مع كلام شمس لو حصل دلوقتي كتب الكتاب الكل هيفكر اننا بلم الليلة.
زين: كلامهم صح على فكرة وديه مس اي واحدة ديه كبيرة الصعيد
وهدان: خلاص يبقي كتب الكتاب في ميعادة
حامد: بس البلد
شمس الصغيرة بجدية: انا قولت قراري واكيد عمري مقولت كلمة وطلعت غلط
شمس الكبيرة: خلاص كلام شمسي يتنفذ ويالا بقي عوزة اخرج من هنا
زين: حالا يا تيتة هجيب الدكتور
كتب الدكتور خروج لشمس الكبيرة كما امرت شمس الصغيرة ببعد الأوامر. الفصل الرابع والعشرون في الصعيد
في قصر المنشاوي
وصلت السيارات إلى القصر ونزل منها الكل وساعد وهدان الحاجة شمس الكبيرة على النزول.
كان أهل البلد متجمعين عند القصر للاطمان على الحاجة شمس المنشاوي
وقفت شمس الصغيرة بكل عظمة ومسكت سكــ,,ـــــينة وذبحت تحت قدم جدتها وتركت الباقي للرجالة. وقفت شمس الصغيرة بكل عظمة امام اهل البلد
شمس الصغيرة بجدية: يا اهل البلد يا أهلي و ناسي انا متربية وسطيكم و بينكم والكل عارف تربية المنشاوية كويس محدش يقدر يتكلم كلمة واحدة علينا الصورة اللي اتنشرت ليا مع قصي ابن عمتي بتكون.
قطع كلامها احدي الرجال
احدي الرجالة: انتى بتقولي ايه يا كبيرة الكل عارف تربيتك و اخلاقك واي واحد معاه الصورة ديه ولعها انتى بتنا و كبيرة البلد والصعيد وسمعتك من سمعتنا واي كان الصورة هو خطيبك وابن عمتك و النائب بتاعنا.
أحد البنات: كمان يا كبيرة اللبس اللي في الصورة كنتي لبساه يوم ما ستي شمس كانت في المستشفى انا ممرضة هناك وشفتك وانتى كنتي متبرعة بالدم لستي شمس وكنتى هدوخي وهو لحقك اي واحد غريب لو في مكانة كان هيعمل كده
احد السيدات: اطلعي يا كبيرة استريحي وريحي نفسك احنا طول عمرنا معاكي وفي ظهرك ومحدش هيقدر يقول كلمة عليكي
شمس الصغيرة بابتسامة: طول عمرك أهلي و ناسي ربنا يخليكم ليا
وهدان بابتسامة: هما دول أهل الصعيد.
دخلت شمس والجميع إلى الداخل وجلسو
شمس الصغيرة: الكل يجيب تليفونات
زين باستغراب: تقصدي ايه يا شمس
شمس الصغيرة بجدية: كلامي واضح الكل يسلم التليفونات بتاعته لهاري
حاتم: ليه شمس
شمس الصغيرة بجدية: ومن امتي حد بيسالني ليه حاتم الكل بينفذ وبس الكبير قبل الصغير ولما الحكاية تكون متعلقة بشرفي و سمعتي يبقي فيها مو.ت الكل
قصي بهدوء: اهدي شمس الكل هينفذ
اخرج الكل التليفونات وسلملها لهاري
شمس الصغيرة: سمر.
سمر: عوزة ايه شمس
شمس الكبيرة: هما اهلك مربكيش يا بت الدهشوري لما تكلمي كبيرة عيلة المنشاوي والصعيد كله تكلميها بادب وباخلاق ولا ايه
سمر بصوت عالي: اهلي علموني كويس بس الظاهر ان الكبيرة مشفتش ريحة التربية و الاخل.
قطع كلامها صفعة على وشها بشدة وقعت على الأرض ويد تسحبها من شعرها فصرخت بشدة
بدر بغضب: كيف يا و تتكلمي مع شمس كده انتى مين يا حرمه اصلا
سمر بصراخ: سيب شعري والله لوريكم من هي بت الدهشوري
نرمين بصوت عالي: هتكوني مين يعني ولا ليكي اي لزمة
ملك بصوت عالي: فوقي يا روح امك وعرفي انتى واقفة قدام مين
سمر بغل: هكون واقفة قدام مين يعني انتم الاتنين اتجوزتم تخليص حق علشان الرجالة تعيش مرتاحة.
شمس الكبيرة بغضب: اخرسي قطع لسانك بت عديمه الرباية صوح محدش رباكي بس احنا إللى هنربيكي ونعلمك الأصول
بدر بحده: هو الغلط من عندي انى دخلت واحدة معدومة الاصول و التربية قصر الكبار انتى طا
شمس الصغيرة بغضب: بدر اوعي تكمل
بدر: بس يا شمس
شمس الصغيرة: عمرك شفت اختك بتسيب حقها
رفعت شمس التليفون الخاص بسمر ورفعته للكل وظهر صورة لشمس وهي بين أحضان قصي
شمس الصغيرة بهدوء مرعب: الصورة ديه بتعمل ايه على تليفونك.
سمر بخوف منها: الصورة ديه مع البلد كلها مش انا وبس
زين: فعلا شمس ديه نفس الصورة اللي منشورة
هاري: بس ديه خارج من الكاميرا مش من الأستوديو
وهدان: يعني ايه
قصي بغضب مخيف: يعني الهانم هي اللي صورت الصورة ونشرتها صح
سمر برعب: لا لا انا معملتش حاجة اكيد هي
قصي بغضب مخيف: هي مين يا زبالة هي هتفضح نفسها ولا كان وقت تاخد صور انطقي
سمر برعب: انا معرفش حاجة
ق.
صي بغضب مخيف: عارفة انا عمري مرفعت أيدي على ست بس شكلي هعملها
صالح بصوت عالي: قصي اهدي
قصي بغضب وصوت عالي: اهدي اهدي اذاي لما اشوف صورة مراتي بين ايد الناس طيب دول فهمو بس لو حد تاني هيبقي موقفها ايه لما شمس المنشاوي كبيرة عيلة المنشاوي والصعيد كله في الموقف ده حظك الحلو اني مش برفع أيدي على ست
صفا بغل: انا برفع عادي
شمس الصغيرة: صفا خليكي مكانك وانتى سمر هتتكلمي ولا اسبها عليكي.
سمر ببكاء: انا معملتش حاجة الصورة ديه وصلت ليا مليش دعوة
شمس الصغيرة بغضب مرعب: وصلت ليكي اذاي يا روح امك انتي هتستهبلي يا بت
وهدان بجدية: خلاص انتهي الكلام وانتى يا سمر اطلعي أوضتك دلوقتي
سمر ببكاء: لا يا جدي انا هرجع بيت اهلي
وهدان بغضب: قولت على فوق
سمر ببكاء: حاضر
شمس الصغيرة بغضب وصوت عالي: تطلع اوضتها وكده الموضوع خلص وسمعت حفيدتك
وهدان بغضب: محدش يقدر يتكلم كلمة واحدة على حفيدتي. شمس الصغيرة بسخرية: فعلا عندك حق الغرب محدش فيهم صدق الصورة لكن اللي مربيني صدقها.
حملت شمس الصغيرة متعلقاتها وخرجت برا القصر واخذت الحرس و اختفت
وهدان بغضب: ينفع اللي عملته ده يا حامد
حامد بحزن: انا مكنتش أقصد حاجة
قصي بغضب: مكنش اقصدك لا بجد برافو
جري قصي خلف شمس واخذ سيارة وساق بسرعة خلف سياراتها
اما الباقي فنظرو لبعضهم البعض بصمت وصعدو إلى الأعلي. في المطار.
وصلت شمس إلى المطار ونزلت وخلفها الحرس وفي لحظة كان هناك شخص يمسك اديها
قصي: اه يا حاجة مركبة عجل في رجلك
شمس بملل: عاوز ايه قصي
قصي بابتسامة: ولا حاجة هسافر القاهرة معاكي
شمس: وانا مالي
هاري: برنسيسة الإجراءات خلصت
شمس: تمام يالا على الطيارة
اسرع قصي بامساك اديها وسحبها خلفة وتوجه إلى الطيارة وجلسو بجوار بعضهم
بعد مرور أكثر من ساعة وصلت شمس إلى القاهرة وانهي الحرس الإجراءات بسرعة وتوجهو إلى الفيلا. احترم قصي سكوت شمس ولم يرد ان يتحدث معها حتى لا تغضب مرة اخري.
بعد مرور يومين. كان الأوضاع غير مبشرة بالمرة فقد خسرت شركة SH. Z. H صفقة مهمة وكانت الشركة مرعوبة من تلك الغاضبة. كان جميع الموظفين مرعبين
أما الشباب الأربعة فحدث ولا حرج فكانو ياخذون المكتب ذهابا و ايابا لعلمهم الشديد بخناقة معتبرة. دخل قصي الشركة وكان يشاهد رعب الموظفين حتى أفراد الأمن فتوجه إلى مكتب شمس ولكن وجد نفسه ينسحب من ملابسه ويدخل مكتب زين ووجد حاتم هو من سحبه.
قصي باستغراب: في ايه مالكم ومال الشركة كلها
زين: مصيبة الشركة خسرت صفقة والكل خايف من شمس
قصي: ليه يعني
حاتم: اصل احنا في مرة خسرنا صفقة قلبت الدنيا فوق راسنا وكانت هتولع فينا ومحترمتش حد فيا اصلا
قصي بابتسامة: انتم اصلا مهزقين فعادي لما تهزقكم
حاتم: المشكلة مش فينا ولا الموظفين احنا اتعودنا على كده خلاص
قصي: امال ايه المشكلة
ملك: شمس من ساعة معرفت وهي قافلة على نفسها
نرمين بابتسامة: متدخل ليها قصي.
قصي بفلعة: وانا مالي يا ختي حد منكم يدخل
نرمين بغباء: اصل لو واحد فينا دخل ليها ممكن تق.تله عادي وحنا عندنا عيال عوزين نربيهم لكن انت فاضي
قصي بارف: على رأى أمير كرارة انتم كتع كسل كسح
حاتم: انا ملاحظ انك متابع جامد للمسلسلات
زين بلطم: شمس لسه معملتش اي حاجة تفتكرو بتعمل ايه دلوقتي
قصي: انا هدخل وربنا يستر
ملك: هتوحشنا يا قصي
قصي بارف: بس محدش فيكم هيوحشني
نرمين بصياعة: طريق السلامة يا عسل.