في القصر. وصلت السيارات إلى القصر فنزلت شمس الصغيرة بعظمة و قوة تليق بشمس الصعيد ودخلت القصر وجلسو. جاءت نرمين و ملك يجرو عليها واخذوها في حــ,,ـــــضنهم و بكو
شمس الصغيرة بحنان: اهدو يا حبايبي انا كويسة متقلقوش عليا
نرمين بدموع: مين اللي حاول ي.ك
شمس الصغيرة: بعدين كمان يا بقرة منك ليها اذاي تجرو كده انتم ناسين انكم حوامل
ملك بغباء: اه صحيح انا نسيت
زين بابتسامة: احيه يا ابو سوسو نسيتي ربنا يصبرني
حاتم بابتسامة: طبعا لا تعليق
شمس الصغيرة: بس يا زفت منك ليه
حاتم بياس: نفسي تحترميني ولو لمرة واحدة بس.
شمس الصغيرة ببرود: مليش مزاج
حاتم: انا هريحك مني يالا يا نيرو نروح
وهدان: اقعد يا واد اتغدو الاول وبعد كده امشو
حاتم بدموع مزيفة: حتى انت يا جدي بتقولي واد وماله المهم اكل
ضحك الكل على كلام حاتم وتركتهم شمس وصعدت الى الأعلي لتبديل ملابسهم ونزلت بعد فترة.
جلس الجميع على السفرة بجوار بعضهم البعض
كانت شمس الصغيرة تتحدث مع قصي وتضحك معه وسط الجميع
صفية بخــ,,ـــــبث: بس شكلك كده يا شمس تعرفي قصي كويس
شمس الصغيرة: اه يا صفية عارفة وبينا شغل و مصالح وغير كده جاري ليه
صفية بخــ,,ـــــبث: جارك بس ولا قريب من قلبك
مي باستغراب: تقصدي ايه صفية بكلامك ده. صفية بخــ,,ـــــبث: يعني مش بعيد ذي معملت مع نرمين و زين ولعبت على الكل تكون هي عارفة كل حاجة عنك وعملتها لعبة علينا علشان بتحب ولدك يا خيتي.
قصي ببرود: والله يا مدام صفية شمس المنشاوي مش محتاجة لعبة أو خطة علشان توقعني في حبها لانها اغلي من لعبة قذرة ذي ديه شمس المنشاوي كبيرة عيلة المنشاوي والصعيد كله ومفيش راجل في مجال البزنس مش بيعملها مليون حساب ويا ستي لو فعلا البرنسيسة معجبة واحد في المليون بيا فانا بقي اتخطيت مرحلة الإعجاب فريحي نفسك انتي عارفة الغريبة انك عايشة معاها بقالك 22 سنة ولسه مش مفهمتيش مين هي شمس الصعيد بس الظاهر انك مش، ولا بلاش علشان عيب.
شمس الصغيرة ببرود: الظاهر يا صفية لسه مش عوزة تعقلي وتبعدي عني بس ملحوقة زمان نجمة المنشاوي كانت حابسة دمك و كاسرة نفسك اصلها يا روحي كانت غلبانة بس بنتها افعي وكمان قصي مؤدب بس انا لا اصل امي الله يرحمها و ابويا ربنا يديله طولة العمر مكنوش فاضين يربونى علشان كده انا ناقصة تربية علشان شغل الوساخة و السفالة مش عاليا مفهوم صفية
صفية بحزن: تشكري يا بتي انا ذي امك ربنا يسامحك.
شمس الصغيرة بغضب و صوت عالي الرعد وهي تضــ,,ـــــرب السفرة باديها: صفييييييية امي نجمة المنشاوي وبس
وبجدية: وقولتهالك زمان والمرة ديه هعمل فعل اصل في مثل بيقول اللي يعمل ميقولش واللي يقول ميعملش علشان كده انا وهدان المنشاوي ربناني على عدم احترام حد مهما كان. وقفت شمس الصغيرة امام صفية ونزلت على وشها بالكف
شمس الصغيرة بجدية: القلم ده علشان يفوقك باقي ايامك اللي عيشاها في الدنيا ودلوقتي غوري من وشي
صفية بغل: والله يا بت نجمة لوريكي وهعرفك مين هي صفية المنشاوي
شمس الصغيرة ببرود: اعلي ما في خلك اركبية
وبهمس مرعب: قريب اوي النهاية هتنزل يا صفية.
نظرت صفية للجميع بغل و غضب وصعدت إلى الأعلي اغمضت شمس عيونها بشدة حتى تسيطر على حالها ولكن لم تعرف فمسكت احدي التحف والقتها على الارض بغضب وقفت امام نرمين وخرجت تجري. مراد بذهول: هو اللي حصل ده بجد ولا هزار
قصي بذهول: مش عارفة والله
صفا بذهول: ديه ضــ,,ـــــربت السفرة باديها كسرت الازاز
حاتم: نرمين يا بتي بلاش تزعلي من شمس
نرمين بدموع مزيفة: انا مخصماها ومش هكلمها تاني طول عمري
وهدان بقلق: نرمين انتى عارفه شمس لما بتغضب
نرمين: مليش دعوة انا كنت عوزة طبق الرقاق والمفترية وقعته وانا جعانة دوقتي اعمل ايه.
مراد بذهول: يعني انتى زعلانة على طبق الرقاق مش على اللي شمس عملته في صفية
نرمين ببرود: عادي انا امي نجمة المنشاوي وبس الام اللي تربي و تكبر وتحبك و تخاف عليك لاكن صفية امي بالاسم وبس مش كل واحدة تحمل و تولد تبقي امي
شمس الكبيرة بابتسامة: ربنا يكملك بعقلك يا قلب ستك
نرمين بعصبية: طيب انا جعانة و عوزة رقاق
وهدان بضحكة: هاتي يا حاجة الرقاق للبت احسن تاكلنا
زين: انا هروح لشمس
حاتم: وانا كمان هاجي معاك.
قصي: خدوني معاكم
وهدان بجدية: شباب مترجعوش من غير اختكم
زين: امرك يا جدي
توجة الشباب إلى الباب ولكن وجدو رجال شمس يقفون يمنعون خروجهم
زين: في ايه يا رجالة
جبل: اسف يا بيه بس ممنوع حد فيكم يخرج برا القصر
قصي: وده قرار مين
جبل: اوامر الكبيرة
حاتم: بس احنا عوزين نخرج
جبل: اسف يا بيه بس ممنوع وانا مش قد غضب الكبيرة
قصي: بس
جبل: من غير بس يا بيه الكبيرة غضبانة وحنا بنبعد عن غضباها وبقينا رجالة كبيرة مش حمل بهدلة.
زين: تمام يا عم جبل ولا يهمك
جبل: اسف يا بيه بس البلد مش امان لسه
حاتم: يالا شباب نقعد في الجنينة
توجة الشباب إلى الجنينة و توجه اليهم مراد وجلس الكبار مع بعضهم. في الليل.
كان الجميع يجلس على نــ,,ـــــار بسبب تأخر شمس في الخارج
زين بغضب: هنفضل قاعدين كده مش عارفين هي فين
حاتم بغضب: انا هكلم الرجالة اخليهم يجو ونقلب البلد كلها عليها
قصي: رجالتي جاهزة واي حد يفكر ياذي شمس وعزة وجلالة الله ل.ة
حامد بغضب: لو شمس مظهرتش بعد ساعة هولع في البلد كلها لغاية ملقيها
وهدان بهدوء: اهدو زمانها هتيجي الصبر يا شباب
زين: الصبر من الصبح واختي برا ومحدش عارف هي فين والبلد مولعة وعوزنا نسكت.
حاتم: جدي لو عارف هي فين قولنا وريح قلوبنا
وهدان بتنهيدة: والله العظيم معرف بس خير باذن الله
جلس الجميع في قلق علي تأخر شمس في الخارج
بعد فترة انفتح الباب ودخلت شمس بهدوء ونظرت للجميع وصعدت إلى غرفتها بكل هدوء
جاء زين يصعد خلفها ولكن كانت يد قصي أسرع وشاور بدماغة بالرفض فتنهد زين ومسح على شعره بغضب.
وهدان بهدوء: يالا كل واحد يطلع على اوضة ويريح نفسه ومحدش ليه دعوة بشمس دلوقتي سبوها تستريح
حامد: بس يا عمي
وهدان بهدوء: تصبحو على خير وبكرا يحلها الف حلال
تركهم وهدان يقفون وصعد إلى غرفته
صعد الشباب إلى غرفهم وكل واحد. ف
ي صباح اليوم التالي. نزل الجميع إلى الأسفل وجلسو في انتظار نزول شمس الصغيرة ولكن مر الوقت ولم تنزل من غرفتها مما زاد القلق في قلوب الجميع.
وهدان: هو فين حامد
زين: ابويا امبارح دخل اوضة شمس ونام فيها
وهدان بغضب: وانا مش قولت محدش يدخل ليها هو مفيش سمعان كلام ليه
مراد: والله يا جدي انا خايف ليكون عمل فيها حاجة
نظر وهدان ليه وفي لحظة كان يضحك بشدة على كلامة والجميع ينظرون له بذهول
وهدان بضحك: يخربيت فقرك يا مراد بقي حامد هيعملها حاجة عفشة ده مش بعيد ت.ه هي وتمشي في جنازته عادي
مي: عمي هو انت كنت عارف شمس راحت فين.
وهدان بابتسامة: الشعر الأبيض ده مش من فراغ طبعا عارف هي فين بس سايبها براحتها. استمع الجميع لصوت كعب نسائي وعندما رفعو وجههم إلى الأعلي وجدو شمس الصغيرة تنزل وبجوارها حامد وكانت تتألق بعباية باللون الاخضر وتركه لشعرها الحرية خلف ظهرها.
شمس الصغيرة بهدوء: صباح الخير
الكل: صباح النور
شمس الصغيرة: فين نرمين حاتم
حاتم بابتسامة: حاشرة نفسها في المطبخ
شمس الصغيرة: وانت زين فين ملك
زين بابتسامة: في نفس المطبخ
شمس الصغيرة: حد يقول لستي تعملي قهوة
قصي: ايه يا بت متقومي تعملي لنفسك ولينا كمان
شمس الصغيرة برفع حاجب: مين ديه اللي بت وقوم اعملكم قهوة كمان قصي اعملي قهوة مظبوطة
قصي بصدمة: انا اللي هعمل للاسف مش بع. قطع كلامهم دخول هاري وعلى وجهه ابتسامة شر وتوجه إلى شمس وتحدث معها في ودنها وفي لحظة تبدل ملامح شمس للشر وقامت وقفت.
شمس بجدية: جهز نفسك و الرجالة وانا هنزل على طول
غادر هاري لتنفيذ أوامر شمس
وهدان: في ايه يا بتي
شمس الصغيرة بجدية: كل خير يا جدي متقلقش هطلع أجهز
صعدت شمس إلى الأعلي وقامت بتبديل ملابسها لبدله جلد باللون البيج وبوط اسود ونزلت.
حامد: رايحة فين يا شمس
شمس بابتسامة: رايحة مشوار مهم
وهدان: هترجعي تاني هنا
شمس بابتسامة: لا حبيبي هطلع على القاهرة عندي شغل والبهوات ياريت يحصلوني سلام
زين: هاجي معاكي
شمس بجدية: قولت مع مراتك سلام
قصي وهو يمسك اديها: رجلي على رجلك يالا
شمس: قولت لا
وهدان بجدية: قصي مع بنت خالك لغاية البيت
قصي بابتسامة: امرك جدي
شمس بهمس في اذن جدها: بتحلم يا بن المنشاوية.
وهدان بهمس في اذنها: وانا بنفذ أحلامي يا قلب ابن المنشاوية
قصي: يالا شمس انا جاهز
شمس بارف وهي تلبس النظارة: ورايا
خرجت شمس وخلفها قصي يسب ويلعن في برود تلك الفتاة
ركب الجميع السيارات وتوجهو إلى طريقهم. في سيناء.
قصي: احنا رايحين فين
شمس: لا رد
قصي: شمس شمس
شمس بنرفزة: ايه شمس شمس هو انا واخدة بنت اختي معايا اهدي على نفسك يخربيت كده
قصي بابتسامة: ربنا يخليكي يا برنسيسة
نظرت له شمس بتعجب وسكت مر وقت
هاري: برنسيستي وصلنا الرجالة نزلت
شمس: تمام
توجة أحد رجال البدو من سيارة شمس
الراجل: انتم مين
هاري: احنا رجالة شمس المنشاوي
الراجل بذهول: تقصد كبيرة الصعيد
هاري: ايوة هي
الراجل: يا مرحب يا مرحب نورتم سينا.
رفع الرجل ايده واخبر الجميع بوصول شمس الصعيد إلى المكان فوقف الرجال في انتظار نزول تلك القوية. نزل هاري وفتح الباب لشمس التي بدورها نزلت ولتف حولها الحرس وقصي وتوجهو الى شيخ البدو.
شيخ البدو: يا مرحب يا مرحب بكبيرة الصعيد
شمس بجدية: مرحب بيك يا شيخ عرفان كيفك
عرفان: الحمد لله يا كبيرة سمعتك سبقاكي من الشمال للجنوب ومفيش حد ميعرفش مين هي كبيرة عيلة المنشاوي والصعيد كله
شمس بجدية: كده ريحتني عوزاك في موضوع مهم
عرفان: قبل الكلام قهوتك ايه عقبال ما الرجالة يجهزو الوكل
شمس: ملهوش لزوم
عرفان: والله ميحصل طول عمركم اهل خير و كرم القهوة يا رجالة اوامرك يا كبيرة.
شمس بابتسامة: سعيد الرحماني
عرفان بقلق: مالو
شمس بشر: عوزاه وعوزة كل تجارة ليه واكيد انت عارف اني اعلنت عليه الحرب
عرفان بقلق: بس يا كبيرة
شمس بجدية: من غير بس ايه رايك لو تعرفني خط السير وانا هكمل من بعدك
عرفان بتفكر: اممممممم موافق طبعا
اعلمها عرفان خط السير وميعاد تسليم البضاعة واخبرها أيضا بأن سعيد الرحماني سوف يكون معهم وغادرت. جاء يوم تسليم البضاعة وكان يوسف ومجموعة كبيرة من رجال الشرطة معه وتم إلقاء القبــ,,ـــــض عليه.
تقرب قصي من شمس و الشباب
جائت شمس لتعتذر من نرمين على ما فعلته مع صفية ولكن نرمين اخبرتها بان امها نجمة المنشاوي وليست صفية.
تركت صفية قصر العائلة وجلست في بيت والدها بمفردها
رتبت شمس مع الشباب صفقة في ايطاليا وجهزت نفسها للسفر إلى هناك
دخلت شمس شريكة في قرية السياحة الخاصية بقصي ووافق على ذلك
اخذت شركات SH. Z. H مناقصة تابعة للحكومة
اشترت شمس قطعة ارض كبيرة وقررت ان تقيم عليها أكبر مركز متكامل طبي
علم قصي بسفر شمس و زين إلى ايطاليا فذهب معهم
أصبحت نرمين و ملك في الشهر الخامس وعلمو بانهم يحملون في صبيان وسعدو بشده.
قرر حاتم عدم السفر مع شمس وفضل بجوار نرمين و ملك لرعايتهم
جاءت شمس الكبيرة و صابرين إلى القاهرة للجلوس مع البنات
حاول سعيد الرحماني الهروب فقام رجال الشرطة بإطلاق النــ,,ـــــار عليه ومات
علم الجميع بخبر حمل صفا وفرحو بشدة
لم تترك مي البنات وكانت بجوارهم في كل شي
قرر ليث تقديم موعد الفرح الخاص بيه على ياسمين
اخبرت شمس ياسمين بان فستان الفرح عليها كما فعلت مع البنات. الفصل التاسع عشر
في ايطاليا
سافرت شمس و زين و قصي والحرس وعلى رأسهم هاري الى إيطاليا حتى يتم التعاقد على صفقة مهمه
بعد راحة يوم كامل وفي صباح اليوم الجديد استيقظ الجميع ونزلو إلى الأسفل حتى يتناولو وجبة الإفطار
نزلت شمس وهي ترتدي فستان باللون الأبيض لمنتصف الفخد وعلى كتفها بالطو باللون الأبيض وشنطة باللون الجملي وتركت لشعرها الحرية خلف ظهرها.
توجهت شمس إلى المطعم ووضعت الشنطة على الكرسي المجاور لها
شمس بابتسامة: صباح الخير
زين بابتسامة: صباح الورد شمسي
قصي بغيرة: هو انتى هتروحي الشركة كده
شمس بابتسامة: رد الصباح الاول وبعد كده ابقي اسأل وعلشان اريحك ايوه هروح كده مالو لبسي وحش
قصي بغزل: عسل لبسك وكلك على بعضك عسل
وبغيرة: بس بردو لبسك وحش
شمس برفع حاجب: وانت مالك يا عم واصلا انت جاي معانا ليه لزمتك ايه.
قصي برفع حاجب: جدي وهدان قالي يا قصي خليك مع بنت خالك
شمس بردح: يا روح خالك
زين: شمس الناس بتتفرج علينا معلش
شمس بنرفزة: قوله ملهوش دعوة بيا
زين: قصي اهمد وانتى حبيبتي هدي اعصابك
قصي: يا حنين متقوم تبوسها احسن
شمس بدلع: ويقوم ليه ويتعب نفسه ابوسه انا انا عندي كام زين هو واحد وبس
قامت شمس ونحنت على زين وقبلت خدوده بمنتهي الرقة و الدلع
قصي بغيظ: نسيتي شفايفة كمان
شمس بدلع: بس كده عيوني.
جائت لتقترب مرة اخري من زين ولكن كان قصي أسرع منها وشد زين لعنده
اطلقت شمس ضحكة رنانة دوي صوتها في ارجاء المطعم
قصي: يخربيتك هنتمسك اداب
زين بضحك: اداب مين ده يا عم احنا هنتمسك فسق و فجور لما يعرفو أنها اختي وشغالة بوس فيا
شمس بزعل طفولي: مش اول مرة ابوسك ولا انام في حــ,,ـــــضنك على فكرة
زين بحنان: عارف يا قلبي انا كلي ملكك بس في مصر لما نتمسك هنعرف نخرج لكن هنا فيها كلبوش.
شمس بضحكة رنانة: لا يا قلبي هنا عادي لكن في مصر هتزف بصجات
قصي: شمس انتى مالك حاسك مهيبرة ( مجنونة )
شمس بضحكة: تصدق وانا كمان حاسه انى شربت أو كلت حاجة مش مظبوطة
هاري: برنسيستي اظبطي كده هنتــ,,ـــــحبس يا مجنونة
زين: يالا علشان الميعاد
قصي بغزل: اتفضلي يا وحش الكون
اطلقت شمس ضحكة رنانة دوي صوتها في ارجاء الفندق وجعلت انظار الناس تلتفت عليهم فاسرع قصي بوضع ايده على شفايفها حتى تكتم الضحك واسرعو في الخروج.
