قام وهدان و حامد وتوجهو إلى الباب ولكن وقف وهدان ولتفت
وهدان: يالا يا قلب وهدان الناس في انتظارك
حامد: هي شمس هتروح معانا
وهدان: اكيد الناس جاية ليها يالا يا بنتي
شمس الصغيرة: تمام يا وهودي
شمس الكبيرة بعصبية: متقوليش وهودي هو ملكي انا وبس
شمس الصغيرة بدلع: كفاية عليكي كده ورجعي بيت ابوكي بقي هو مش عوزك
حامد: يالا يا شمس قبل منحضر دفتك. جريت شمس إليهم وتوجهو إلى المندرة ووجدو عائلة الدهشوري و شيخ الجامع و القديس مينا.
مر الوقت وعتذر حفيد الحاج سالم الدهشوري من شمس و حامد وتم دفع الديه المتفق عليها ولكن قررت شمس انشاء عيادة كبيرة باسم امها وتعود بالنفع على الجميع. مر شهر سريعا ومازال زين في الغيبوبة وجئت المدارس ولتحقت شمس بالمدرسة الثانوية
في المدرسة. كانت البنات يجلسون وهم يتحدثو على شمس لانها أصبحت فخر لجميع بنات البلد و البلاد المجاورة لشدتها و قوتها و صلابتها.
بنت: صباح الخير
شمس: صباح النور
البنت: انا ياسمين
شمس: عرفاكي انتي اخت ظابط النقطة
ياسمين: صح بصي انا مليش أصحاب و يوسف قالي بلاش أصاحب حد بس قالى لو انتى وافقتي على الصحوبية يبقي تمام ها قولتي ايه ولا علشان انتى كبيرة والكل بيعملك مليون حساب مش هينفع
شمس بابتسامة: وانا برحب بيكي يا ياسو
ملك: شموسة
شمس: قلبها
ملك: أخبار زين ايه لسه نايم
شمس بحزن: الحمد لله مفيش في ادينا حاجة نعملها غير الدعاء.
ياسمين: هو مين زين ده وليه نايم
شمس: زين بيكون اخويا الكبير و هو تعبان في غيبوبة بقالو حوالى شهرين و زيادة
ياسمين: ايه سبب الغيبوبة
شمس: انضـ,ـرب عليه رصاص وجت جمب القلب وتعمله عملية بس دخل في غيبوبة
ياسمين: ربنا يشفيه هو في المستشفى
ملك: لا طبعا شمس نقلته البيت
قطع كلامك صوت تليفون شمس فردت وكان تعابير وشها تتغير مع كلام المتصل وأصبحت غضبانة بشدة واصبح لون عيونها موهوج مثل قرص الشمس واغلقت التليفون.
ملك بخوف: زين كويس
شمس بهدوء مخيف: كويس
ياسمين: مالك طيب وايه اللي غير مودك
شمس بهدوء: متشغليش بالك ملك اتصلي على حاتم
ملك: حاضر
اتصلت ملك على حاتم واخبرته بان شمس تريد التحدث معه
حاتم: شموسة خير يا قمر
شمس: انت في القاهرة صح عوزة خدمة
حاتم: امري وانا انفذ
املت شمس على حاتم بعض المعلومات واخبرته بما تريد واغلقت معه بعدها
ملك: شموسة كنتى عوزة حاتم ليه
شمس: ملكيش دعوة يا رخمة.
ياسمين: هو احنا كده بقينا أصحاب
شمس بابتسامة: طبعا ياسو
ملك: اشطا
ياسمين: هو انتم اذاي بتتكلمو مصري
شمس: ليه هو المفروض نتكلم هيروغليفي
ياسمين: لا مقصدش يعني المفروض تتكلم صعيدي
شمس: واااااه شكلك اتجنيتي يا بت اوعي تغلطي فينا في لحظة واحدة نقلب ونخرب الدنيا كلها
ياسمين بضحك: اهدي يا كبيرة انا مقصدش حلو الصعيدي و المصري كلهم خلق ربنا
ملك: يالا يا زفته منك ليها على الحصة.
ياسمين بزهق: اوووووف كل شوية دروس و مذاكرة بقت حاجة تارف
شمس بضحكة: معلش يا اختي نصبنا كده
ملك: صحيح سمعتم عن المدرس الجديد حاجة كده موز
شمس: يالا يا بت من هنا ورانا حصة وانتى يا فاشلة قدامي
ياسمين: امرك يا كبيرة
ملك: انا أكبر منكم المفروض تحترموني
نظر لها شمس بطرف عيونها و سحبت يد ياسمين و صعدت الى الفصل.
مر باقي اليوم سريعا ونتهي الدوام وخرجت البنات من المدرسة ووجدت ياسمين شقيقها في الخارج وايضا وجدت ملك سائق جدها في انتظارها وفي لحظة واحدة دخلت عربية اقل ما يقال عليها جامده ونزل منها شاب غاية من الوسامة والجمال.
الشاب بضحك: كبيرة عيلة المنشاوي منورة
شمس بتكبر: طبعا كبيرة عيلة المنشاوي غصب عن الكل
الشاب بضحكة: يخربيت تواضعك
شمس بتكبر: شكرا شكرا لا داعي
الشاب بابتسامة جميلة: وحشتيني قططي
شمس بابتسامة: ليث حبيبي
ياسمين: مين الموز ده
ملك: ده ليث نجم الدين
يوسف: ايوة يعني مين
ملك: معرفش بس انا عارفة انه من العيلة وبس
ليث: مش هتعرفينا
شمس بغمزة: ديه ملك وديه ياسمين وده الظابط يوسف ظابط النقطة.
ليث بجدية: اهلا وسهلا نورت البلد
يوسف: البلد منورة باهلها
ليث: يالا يا قلبي
شمس: هات
ليث: انسي ديه لسه جديدة
شمس: هات والله هقول لجدو
ليث: اتفضلي يا ظالمة
اخذت شمس المفتاح وركبت مكان السائق وركب بجوارها ليث بعد أن ودعت البنات وغادرت بالسيارة.
يوسف: لا تعليق مسكت سـ,ـلاح و طلعت الجبل هتيجي على العربية
ياسمين: يالا يا يوسف
يوسف: حاضر جاي
ركب يوسف بجوار اخته ووجدها سرحانة
يوسف: مالك يا ست سعاد حسني
ياسمين: انا خلاص قررت هجوز ليث
يوسف بصدمة ووقف: يخربيتك انتى لحقتي
ياسمين بابتسامة: ده قمر قمر ده شبة طبق البسبوسة المتغرقة شربات و مكسرات وعلى الوش قشطة ولا شبه بطرمان النوتيلا
يوسف بذهول: يخربيتك يا شيخة فوقي وحيات امك مش ناقص.
ياسمين: عاوز ايه خليني افكر اذاي نجهز الجهاز تفتكر ممكن يطلبو حاجات كتير يالا فلوس معاش ابوك و انت كمان ونبيع البيت و جهز اجيب طقم صيني الكبير ده و طقم برسلين و ايرو بيركس و شوية فضيات وكام طقم كرستال و كام طقم حلل جرانيت و سراميك و تيفال و صاح و المونيه واه الهدوم لازم ادلع نفسي علشان ميبصش برا
يوسف بصوت عالي: ياسمين
ياسمين بخضة: ايه نسيت حاجة صح
يوسف: الله يحــ,,ـــــرقك يا شيخة خلصتي اصحابي دخلتي على هنا.
ياسمين: اطلع بس خلينا نشوف ناقص ايه من الجهاز
يوسف وهو يمشي: ربنا يعوض علينا فيكي طول عمرك متخلفة. في قصر المنشاوي. وصلت شمس إلى القصر ونزلت وهي تضحك على منظر ليث ودخلو
شمس الصغيرة بصراخ: شهد
شهد: شموسة حبيبتي
ارتمت شمس بين أحضان شهد التي بدورها استقبلتها بكل حب و حنان وبعد فترة بعدو عن بعض.
وهدان: مالك يا ليث
ليث: بص يا جدو انا هقتـ,ـل شمس عندك اعتراض
شمس الكبيرة: ولا يهمك اعتبرها فروجه { فرخة }
حامد بضحك: عملتلك ايه يا ليث
ليث: جبرتني تسوق العربية وساقت بسرعة جدا وكنت خايف
شمس الصغيرة: علي طبعا
ليث: لا طبعا على العربية
شمس الصغيرة: وحيات امك لوريك
فاروق: انا لو منك أقـ,ـتله
شمس الصغيرة بابتسامة: فيري وحشتني
فاروق: اذيك يا شموسة
شهد بغضب: بت متقوليش فيري عندك عمي وهدان حبي فيه.
شمس الكبيرة: حبها برص
شمس الصغيرة: ولا يهمني انتى وهي هو فيري وهو وهودي وهو حميدو وهو ليثو انا طالعة الأوضة سلام يا حلوين. صعدت شمس الصغيرة بكل جبروت ولم يستطع أحد أن يتحدث وبعد ان اختفت نظرو لبعضهم ونفجرو في الضحك. مر باقي اليوم وجاء الليل و صعد ليث إلى غرفة شمس وخبط ودخل ولم يجدها فعلم بأنها في مكانها المفضل فتنهد ونزل إلى الأسفل. الفصل السابع توقفنا عندما بحث ليث عن شمس الصغيرة ولم يجدها في غرفتها فعلم بأنها في مكانها المفضل.
نزل ليث وتوجه إلى المطبخ ووجد الخدم يجهزون العشاء
فرحة: تأمر بحاجة يا بيه
ليث: من فضلك عاوز اعمل قهوة
فرحة: يا عيب الشوم تعملها بنفسك وحنا رحنا فين
ليث بابتسامة: لا ربنا يديكم الصحة انتم بتعملو الاكل كمان انا بحب اعملها بنفسي ممكن
فرحة: بس يا بيه ستي الحاجة
ليث: فين بس الحاجة
فرحة: حاضر يا بيه هجبلك الحاجة. أحضرت فرحة الأشياء الخاصة بصناعة القهوة ووقف ليث يصنعها وحمل كوبين القهوة وغادر المطبخ وتوجه إلى البحيرة ووجد شمس تجلس و رعد يضع رأسه علي قدمها وهي تلعب بشعره ومغمضة عيونها.
ليث وهو يجلس: كنت واثق انك هنا
شمس: لا تعليق
ليث: قهوة
اكتفت شمس بهز رأسها واخذت الكوب منه وهي على وضعها
ليث بحنان: مالك يا روحي
شمس: لا تعليق
ليث: احكي يا شمس وريحي قلبك
شمس: وقت الراحة انتهي وعذابي و وكسرتي ابتدو
ليث: بعد الشر عليكي من العذاب و الكسرة اوعي تقولي كده انتى قوي من كل حاجة حصلت و هتحصل
شمس: اللي جاي صعب ولو مقوتش هيبقي دمار على الكل
ليث: احكي يا شمس حصل ايه وانتى عارفة ايه ومخبياه علينا.
شمس بابتسامة: وجدك وهدان جابك هنا علشان تعرف في ايه وتحكيله
ليث: جدو وهدان وعمي حامد خايفين عليكي اللى انتي عملتية صعب و شديد ومستحيل يعدي بالساهل طلوعك الجبل و كسره عيلة الدهشوري قدامك مش سهلة وانك تعملي عزا خالتي نجمة الله يرحمها وتستقبلي الحاج صفوت في العزا شي مش سهل
شمس: هو ده اللي كام لازم يتعمل لو سلمت لعمك حامد كان قـ,ـتل ناس بريئة وملهاش ذنب وحكاية الجبل و عيلة الدهشوري جت صدفة
ليث: وزين.
شمس: مالو زين
ليث: قفلك الأوضة عليه ومحدش بيدخل غيرك وعمي حامد وهو بيدخل لما بتكوني موجودة ليه
شمس: عادي مش بثق في حد
ليث بغضب: شمس في ايه حصل وانتى شاكه في مين كل إللى في القصر من نفس العيلة وطول عمرنا عايشين مع بعض بخير و سلامة
شمس بسخرية: بخير و سلامة يا روحي ابقي سلملي على الباذنجان
ليث بغضب و صوت عالي: شاااااااااامس.
شمس بغضب: ليث اوعي تنسي نفسك انا شمس المنشاوي ولسه متخلقش اللي هيقف قدامي ويعلي صوته عليا بلاش نخسر بعض احنا طول عمرنا اخوات و صحاب وحبايب بلاش يجي الوقت اللي نقوي على بعض مفهوم يا اخويا و صاحبي
ليث بهدوء: تمام يا شمسي انا كنت خايف عليكي
شمس بتنفس سريع: خايف عليا تبقي في ظهري و سندي مش تقف قدامي وتحاسبني
ليث: اسف شمس.
شمس بجدية: ليث علشان خاطري بلاش تزعل مني اللي حصل و اللي هيحصل اكبر مني وانا من يوم مـ,ـوته امي وانا كبرت ولازم اكبر اكتر لازم الكل يعرف مين هي شمس المنشاوي
ليث بهدوء: شمس حبيبتي احنا خايفين عليكي طب بصي شركينا معاكي واحنا والله العظيم هنفضل في ظهرك
شمس بابتسامة: وانا عوزة كده عوزة اخويا و حبيبي دايما في ظهري و سندي
ليث بحنان: وانا هفضل دايما في ظهرك و سندك لاخر يوم في حياتي.
شمس بابتسامة: يالا نرجع زمان المحاليل خلصت
ليث: امرك يا موزة
عاد ليث و شمس إلى القصر وجدت الجميع في انتظارهم
شمس: لحظة بس هطلع لزين وهنزل
وهدان: ماشي يا قلبي
صعدت شمس إلى الأعلي وقامت بغلق المحاليل ووضعت قبلة على رأسها وخرجت وأغلقت الباب خلفها ونزلت. جلست شمس بجوار ليث و فضلو يهزرون و يخطفون الطعام من بعضهم كالعادة. في منزل يوسف.
كانت تجلس ياسمين وهي هيمانه في جمال ليث
امها: هي مالها اختك يوسف
يوسف وهو ياكل: لا ابدا بدور ناقص ايه في الجهاز
ابوة: جهاز ايه يوسف
يوسف: أبدا اصل الحلوة خلصت على كل اصحابي و شافت قريب صحبتها فقررت ترمي الجبهه عليه
امه: قريب صحبتها مين هي لحقت تصاحب
يوسف: اممممم ديه شمس المنشاوي
ابوة: كويس انها اتعرفت عليها ديه بت جدعة ومليون راجل.
امه: اه انا سمعت عنها كتير وبسم الله ما شاء الله عليها جامده كده لما هي لسه صغيرة و عملت كده امال لما تكبر بالسلامة هتعمل ايه
ابوه: مش غريبة انها بنت و يبقي ليها القوة و السلطة ديه كلها
يوسف بابتسامة: هو كده وبس الجامدة قوتها ملهاش مثيل.
ياسمين: بقولكم ايه انا عوزة اعرف انت معاك كام يا بابا و انتى يا ماما معاكي كام و طبعا يوسف العسل معروف فلوسه عوزة جهاز يتكلم عليه الناس انتم هتناسبو عيلة المنشاوي تمام بصو انا كتبت شوية حاجات وناقص الباقي نبقي نفكر فيه
ابوة: ربنا يعوض علينا البنت كانت بنص بعقلها دلوقتي بقت من غيره خالص
امه وهي تلتقت الشبشب: ومالو يا بنتي هاتي كده الورقة
ياسمين: اتفضلي. مسكت امها اديها ونزلت عليها بالشبشب وعلى صراخها وضحك والدها و شقيقها عليها إلى ان فلتت من ايد امها.
امها بغضب: خشي ذاكري يا بنت الجذمة يا حيوانه
ياسمين ببكاء مصطنع: الحق عليا عوزة اتجوز بدل مبور جمبك والناس تشاور عليكي وتعايرك بيا
امها بتعب: ربنا يعوض عليا قدي اخره خلفة البنات
ياسمين: والله العظيم انا بفكر بالمصلحة العامة
امها: قومي يا بنت الكلب ذاكري انا السبب اني دخلتك ثانوية عامة ديه اخرها دبلوم خياطة
ياسمين بضحك: تصدقي صح علشان اعرف اخيط شوية هدوم وهي تنفعنا بردو.
أبوها بضحك: يالا يا بت هتمـ,ـوتينا
ياسمين بضحك: طيب اخليه يجي امتي علشان نتفق اهم حاجة بلاش تشيلوه كتير
يوسف بضحك: امك لو قامت هتمثل بجثـ,ـتك
ياسمين بضحك: يالا اسبكم بقي ودخل أحب شوية في الموز بتاعي
في لحظة واحدة كان فردة الشبشب يستقبلها وجهها بكل ترحاب